“Surat VR Mall,
Gujarat:ગુજરાતના સુરતમાં એક મોલને બોમ્બથી ઉડાવી દેવાની ધમકી મળી છે. આ ધમકી બાદ વિસ્તારમાં ચકચાર મચી ગઈ હતી. ધમકીની માહિતી મળ્યા બાદ બોમ્બ સ્કવોડ અને ડોગ સ્કવોડની ટીમ ઘટનાસ્થળે પહોંચી હતી અને મોલ પરિસરમાં તપાસ કરી હતી. આ ઘટના અંગે માહિતી આપતા સુરત ડીસીપી રાકેશ બારોટે જણાવ્યું હતું કે સોમવારે બપોરે 3 વાગ્યાની આસપાસ મોલને ઉડાવી દેવાની ધમકી મળી હતી. આ ધમકીને ગંભીરતાથી લેતા એસઓજી, બોમ્બ સ્કવોડ, ડોગ સ્કવોડની ટીમો ઘટનાસ્થળે પહોંચી હતી અને મોલમાં તપાસ કરી હતી. bomb threat received,
સુરતમાં મોલને બોમ્બથી ઉડાવી દેવાની ધમકી મળ્યા બાદ બોમ્બ સ્કવોડ, ડોગ સ્કવોડ અને એસઓજીની ટીમ અચાનક આવી જતાં વિસ્તારમાં ચકચાર મચી ગઈ હતી. મોલથી થોડે દૂર લોકોનું ટોળું એકઠું થવા લાગ્યું. આ દરમિયાન ઘટનાની જાણકારી મેળવવામાં લોકોમાં ભારે ઉત્સુકતા જોવા મળી હતી. બોમ્બથી ઉડાવી દેવાની મળી ધમકી
આવો જ એક કિસ્સો રાજસ્થાનમાં પણ સામે આવ્યો હતો. રાજસ્થાનમાં રવિવારે સવારે રાજધાની જયપુર સહિત રાજ્યની લગભગ 100 હોસ્પિટલોને બોમ્બની ધમકી મળી હતી. પ્રાપ્ત માહિતી અનુસાર જયપુરની મોનિલેક અને સીકે બિરલા સહિત અનેક હોસ્પિટલોને સવારે ઈ-મેલ દ્વારા બોમ્બની ધમકી મળી હતી. આ પછી વહીવટીતંત્ર અને પોલીસ એક્શનમાં આવી અને હોસ્પિટલોમાં સર્ચ ઓપરેશન હાથ ધરવામાં આવ્યું. બપોર સુધી કોઈ પણ હોસ્પિટલમાંથી કોઈ શંકાસ્પદ વસ્તુ મળી ન હતી અને આ ધમકી ખોટી નીકળી હતી. ધમકીને પગલે હોસ્પિટલોમાં સર્ચ ઓપરેશનના કારણે દર્દીઓ અને મુલાકાતીઓને મુશ્કેલી પડી હતી. આ પહેલા પણ શાળાઓને બોમ્બથી ઉડાવી દેવાની ખોટી ધમકીઓ આપવામાં આવી હતી.
આસામના ગુવાહાટીના મધ્યમાં આવેલા એક મોલના સત્તાવાળાઓએ સોમવારે એક અજાણી સંસ્થા તરફથી બોમ્બની ધમકી મળ્યા બાદ તેને ખાલી કરાવ્યો હતો. પોલીસે આ માહિતી આપી હતી. રાજ્ય સચિવાલયની નજીક સ્થિત ‘સિટી સેન્ટર મોલ’ લગભગ 4 વાગ્યે ખાલી કરાવવામાં આવ્યો હતો. અધિકારીઓએ શરૂઆતમાં મોલના અચાનક બંધ થવાનું કારણ ‘ટેકનિકલ સમસ્યા’ ગણાવી હતી.
આસામ પોલીસના એક વરિષ્ઠ અધિકારીએ જણાવ્યું હતું કે મોલ સત્તાવાળાઓને પરિસરમાં બોમ્બ હોવાનો ઈ-મેલ મળ્યો હતો. તેમણે કહ્યું કે આ ઈ-મેલ સમગ્ર ભારતમાં 75 જગ્યાએ મોકલવામાં આવ્યો હતો. અમને જાણવા મળ્યું કે ‘એડ્રેસ બાર’માં કુલ 75 પ્રાપ્તકર્તાઓ હતા. જેમાં મોલને બોમ્બથી ઉડાવી દેવાની ધમકી આપવામાં આવી હતી. પ્રતિબંધિત ULFA (I) એ ગુવાહાટીના કેટલાક સ્થળો સહિત રાજ્યના વિવિધ ભાગોમાં 24 બોમ્બ પ્લાન્ટ કરવાની જાહેરાત કર્યાના ચાર દિવસ બાદ આ ઘટના બની છે. સુરત,વીઆર મોલ,બોમ્બથી ઉડાવી દેવાની મળી ધમકી,
