Latest International news
China : ચીનના શાંક્સી પ્રાંતમાં અચાનક પૂરના કારણે હાઇવે બ્રિજ આંશિક તૂટી પડવાથી ઓછામાં ઓછા 11 લોકોના મોત થયા છે અને 30 થી વધુ લોકો ગુમ થયા છે. આ પુલ એવા સમયે ધરાશાયી થયો જ્યારે લોકો તેના પરથી વાહનો પસાર કરી રહ્યા હતા. જેના કારણે અનેક લોકોએ મોતનો સામનો કરવો પડ્યો હતો. અકસ્માતમાં ઘાયલ લોકોને હોસ્પિટલમાં દાખલ કરવામાં આવ્યા છે. China ચીની અધિકારીઓએ શનિવારે આ માહિતી આપી હતી. સરકારી સમાચાર એજન્સી ‘સિન્હુઆ’એ પ્રાંતીય પ્રચાર વિભાગને ટાંકીને કહ્યું કે શેંગલુ શહેરના ઝશુઈ કાઉન્ટીમાં સ્થિત પુલ શુક્રવારે સાંજે ભારે વરસાદ અને અચાનક પૂરના કારણે તૂટી પડ્યો હતો. China
China
સમાચારમાં કહેવામાં આવ્યું છે કે આજે સવાર સુધી 11 લોકોના મોતની પુષ્ટિ કરવામાં આવી છે, જ્યારે પુલ ધરાશાયી થયા બાદ 30થી વધુ લોકો લાપતા છે. પુલ ધરાશાયી થવાના કારણે કેટલાક વાહનો પુલ નીચે જીંકિયન નદીમાં પડ્યા હતા. અહેવાલો અનુસાર, બચાવ ટીમોએ નદીમાં પડેલા પાંચ વાહનોને બહાર કાઢ્યા છે અને બચાવ કામગીરી ચાલી રહી છે. અકસ્માતમાં કેટલા વાહનો સામેલ છે તેની ચોક્કસ માહિતી મેળવવામાં આવી રહી છે. China સમાચારમાં કહેવામાં આવ્યું છે કે ચીનના રાષ્ટ્રપતિ શી જિનપિંગે પુલ તૂટી પડ્યા બાદ લોકોના જીવન અને સંપત્તિને બચાવવા માટે તમામ સંભવિત બચાવ અને રાહત પ્રયાસો હાથ ધરવા નિર્દેશ આપ્યો છે. China
