US News: અમેરિકામાં માનવ તસ્કરીના આરોપમાં એક મહિલા સહિત ચાર ભારતીયોની ધરપકડ કરવામાં આવી છે. મીડિયા રિપોર્ટ્સ કહે છે કે ચાર ભારતીયો ટેક્સાસ રાજ્યમાં એક ઘરમાંથી માનવ તસ્કરીનું રેકેટ ચલાવી રહ્યા હતા.
ન્યૂઝ પોર્ટલ Fox4News.com એ સોમવારે રાત્રે જણાવ્યું હતું કે પ્રિન્સટન પોલીસ વિભાગની તપાસમાં માનવ તસ્કરીનો ભોગ બનેલી 15 મહિલાઓ ઘરની અંદર મળી આવી હતી.
માર્ચમાં ધરપકડ કરાયેલા ચંદન દાસીરેડ્ડી, દ્વારકા ગુંડા, સંતોષ કટકુરી અને અનિલ માલે પર માનવ તસ્કરીનો આરોપ મૂકવામાં આવ્યો છે. ઘરમાં રહેતી મહિલાઓને જમીન પર સૂવાની ફરજ પડી હતી. ઘરમાં કોમ્પ્યુટર, ઈલેક્ટ્રોનિક્સ અને ધાબળા સિવાય કોઈ ફર્નીચર મળ્યું નથી.
પ્રાથમિક તપાસ બાદ પ્રિન્સટન પોલીસે સંતોષ કાટકુરીના ઘરની તપાસ માટે વોરંટ મેળવ્યું હતું. ત્યાં રહેતી મહિલાઓને સંતોષ અને તેની પત્ની દ્વારકાની શેલ કંપનીઓમાં કામ કરવા મજબૂર કરવામાં આવતી હોવાનું બહાર આવ્યું હતું.
