West Bengal: પૂર્વ રેલ મંત્રી મુકુલ રોય પોતાના ઘરના બાથરૂમમાં બેભાન થઈને પડી ગયા હતા, ત્યારબાદ તેમને હોસ્પિટલમાં દાખલ કરવામાં આવ્યા હતા. એક અધિકારીએ આ માહિતી આપી. બુધવારે સાંજે બાથરૂમમાં પડી જતાં તેને માથામાં ઈજા થઈ હતી. હાલ તેમની હાલત થોડી સ્થિર છે પરંતુ ગંભીર છે. હોસ્પિટલ સત્તાવાળાઓએ 24 કલાક તેની સંભાળ રાખવા માટે ડોક્ટરોની ટીમ બનાવી છે.
તૃણમૂલ કોંગ્રેસના વરિષ્ઠ નેતા મુકુલ રોય ન્યુરોલોજીકલ સમસ્યાઓથી પીડિત છે. ભાન ગુમાવતા પહેલા તેને ઉલ્ટી પણ થઈ હતી. અધિકારીએ કહ્યું કે તેની મેડિકલ તપાસ કરવામાં આવી હતી અને હાલમાં રિપોર્ટની રાહ જોવાઈ રહી છે. મુકુલ રોયના પુત્રએ જણાવ્યું હતું કે, “બાબા ઘરના બાથરૂમમાં પડી ગયા હતા. તેમને માથામાં ઈજા થઈ હતી. તેમને ઉલટી થઈ હતી અને પછી તેઓ બેભાન થઈ ગયા હતા. અમે તેમને હોસ્પિટલ લઈ ગયા.”
ટીએમસીના સ્થાપક સભ્યોમાંના એક મુકુલ રોય ડિમેન્શિયાથી પીડિત છે. તેઓ 2017માં ભાજપમાં જોડાયા હતા. તેઓ 2021ની વિધાનસભા ચૂંટણીમાં ઉત્તર કૃષ્ણનગર મતવિસ્તારમાંથી જીત્યા હતા. જો કે, આ પછી તેઓ પાછા ટીએમસીમાં જોડાયા.
