Train Accident: બિહાર-બંગાળ બોર્ડર પાસે એક ભયાનક ટ્રેન અકસ્માત થયો છે. સિયાલદહ જઈ રહેલી કંચનજંગા એક્સપ્રેસને રંગપાની રેલવે સ્ટેશન પર માલગાડીએ પાછળથી ટક્કર મારી હતી. આ ટક્કર બાદ કંચનજંગા એક્સપ્રેસના ઘણા ડબ્બા પાટા પરથી ઉતરી ગયા હતા. ત્રણ બોગીને ભારે નુકસાન થયું હતું. આ અકસ્માતમાં 15 લોકોના મોત થયા છે અને 60થી વધુ લોકો ઘાયલ થયા છે. આ અકસ્માત ન્યૂ જલપાઈગુડી પાસે થયો હતો. રેલવેની ટીમે તપાસ શરૂ કરી છે. અકસ્માત બાદ રેલવેની કામગીરી ઠપ થઈ ગઈ હતી. રાષ્ટ્રપતિ દ્રૌપદી મુર્મુ, વડા પ્રધાન નરેન્દ્ર મોદી, કેન્દ્રીય રેલવે પ્રધાન અશ્વિની વૈષ્ણવ અને પશ્ચિમ બંગાળના મુખ્ય પ્રધાન મમતા બેનર્જી અને અન્ય નેતાઓએ અકસ્માત અંગે પ્રતિક્રિયા આપી હતી. તેમણે આ ઘટના અંગે શોક વ્યક્ત કર્યો હતો. રેલ્વે મંત્રી અશ્વિની વૈષ્ણવ અકસ્માતની જાણકારી લેવા માટે દાર્જિલિંગ જવા રવાના થયા છે.
રાષ્ટ્રપતિ દ્રૌપદી મુર્મુએ આ અકસ્માત પર પ્રતિક્રિયા આપી હતી. તેણીએ કહ્યું, “પશ્ચિમ બંગાળના દાર્જિલિંગમાં ટ્રેન દુર્ઘટનામાં જાનહાનિના સમાચાર અત્યંત દુ:ખદાયક છે. મારી પ્રાર્થના પીડિતોના પરિવારો સાથે છે. હું ઘાયલોના ઝડપથી સ્વસ્થ થવાની અને બચાવ કામગીરીની સફળતા માટે પ્રાર્થના કરું છું. “
