BMW Car Catches Fire : તેલંગાણાની રાજધાની હૈદરાબાદમાં એક ભયાનક ઘટના સામે આવી છે. અહીં રોડ પર દોડતી એક BMW કારમાં અચાનક આગ લાગી ગઈ. આગ લાગતાની સાથે જ કારમાં સવાર લોકો ગભરાઈ ગયા હતા અને તરત જ કાર રોકીને બહાર આવી ગયા હતા. આ ઘટનાથી રસ્તા પરના મુસાફરોમાં અફરાતફરીનો માહોલ સર્જાયો હતો અને થોડીવારમાં ટ્રાફિક જામ થઈ ગયો હતો. ઘટનાની જાણ થતા પોલીસ અને ફાયર બ્રિગેડની ટીમ ઘટના સ્થળે પહોંચી આગને કાબુમાં લીધી હતી.
મળતી માહિતી મુજબ, આ ઘટના હૈદરાબાદના જ્યુબિલી હિલ્સના નંદાગિરી હિલમાં બની હતી. કેટલાક લોકો BMW કારમાં અહીં જઈ રહ્યા હતા. આ દરમિયાન અચાનક કારમાં આગ લાગી હતી. આગની જ્વાળા જોઈને કારમાં બેઠેલા લોકો ડરી ગયા અને તરત જ કાર રોકીને બહાર કૂદી પડ્યા. સદનસીબે કારના મુસાફરોને કોઈ નુકસાન થયું ન હતું. થોડીવાર પછી કાર સળગવા લાગી. થોડી જ વારમાં આગની જ્વાળાઓ વધવા લાગી.
ફાયર બ્રિગેડે આગ બુઝાવી ત્યાં સુધીમાં કાર બળીને ખાખ થઈ ગઈ હતી.
ઘટનાને પગલે વિસ્તારમાં ભારે ટ્રાફિક જામ સર્જાયો હતો. લોકોએ આ અંગે ફાયર બ્રિગેડ તેમજ પોલીસ પ્રશાસનને જાણ કરી હતી. ઘટનાની જાણ થતાં જ ફાયર બ્રિગેડની ટીમ ઘટનાસ્થળે પહોંચી હતી અને આગ ઓલવવાની કામગીરી શરૂ કરી હતી. ફાયર બ્રિગેડે કારમાં લાગેલી આગને કાબુમાં લીધી ત્યાં સુધીમાં BMW સંપૂર્ણપણે બળીને રાખ થઈ ગઈ હતી. આ ઘટના અંગે અધિકારીઓનું કહેવું છે કે આગના કારણની તપાસ કરવામાં આવી રહી છે.
