હિમાચલ પ્રદેશના મંડી જિલ્લામાં ભૂકંપના આંચકા અનુભવાયા હતા. ભૂકંપનું કેન્દ્ર મંડીના સુંદર નગરના જય દેવીમાં હતું. ભૂકંપની તીવ્રતા રિક્ટર સ્કેલ પર 3.7 માપવામાં આવી હતી. ભૂકંપનું કેન્દ્ર જમીનથી 7 કિલોમીટર નીચે હતું. હાલમાં, કોઈપણ પ્રકારના નુકસાન અંગે કોઈ માહિતી પ્રાપ્ત થઈ નથી.
છેલ્લા એક અઠવાડિયામાં ઉત્તર ભારતમાં આ બીજો ભૂકંપ છે જેનાથી લોકો ડરી ગયા છે. ગયા સોમવારે વહેલી સવારે દિલ્હીમાં ભૂકંપના જોરદાર આંચકા અનુભવાયા હતા. નેશનલ સેન્ટર ફોર સિસ્મોલોજી અનુસાર, ભૂકંપની તીવ્રતા રિક્ટર સ્કેલ પર 4.0 માપવામાં આવી હતી, તેનું કેન્દ્ર દિલ્હી નજીક પૃથ્વીથી 5 કિમી નીચે હતું.
દિલ્હીમાં સવારે 5:30 વાગ્યે ભૂકંપ આવ્યો.
દિલ્હીમાં થોડીક સેકન્ડ સુધી આવેલા ભૂકંપના આંચકા એટલા જોરદાર હતા કે ઇમારતોની અંદર તીવ્ર કંપન અનુભવાયા. સવારે ૫:૩૬ વાગ્યે ભૂકંપ આવ્યો, જેનાથી લોકોની ઊંઘ હરામ થઈ ગઈ. એક અધિકારીએ જણાવ્યું હતું કે ભૂકંપનું કેન્દ્ર ધૌલા કુઆનમાં દુર્ગાબાઈ દેશમુખ કોલેજ ઓફ સ્પેશિયલ એજ્યુકેશન નજીક હતું.
ભૂકંપનું કેન્દ્ર તળાવ પાસે હતું
અધિકારીએ જણાવ્યું કે ભૂકંપનું કેન્દ્રબિંદુ જ્યાં હતું તેની નજીક એક તળાવ છે. આ પ્રદેશમાં દર બે થી ત્રણ વર્ષે એક વાર નાના અને ઓછી તીવ્રતાના ભૂકંપ આવે છે. તેમણે કહ્યું કે, 2015માં અહીં 3.3 ની તીવ્રતાનો ભૂકંપ આવ્યો હતો. ભૂકંપના આંચકા
