રાજસ્થાનમાં ડ્રગ્સની હેરાફેરીમાં સંડોવાયેલા ગુનેગારોને કાયદાનો કોઈ ડર નથી. તાજેતરનો કિસ્સો ચિત્તોડગઢ જિલ્લામાંથી પ્રકાશમાં આવ્યો છે, જ્યાં અફીણના દાણચોરોને પકડવા ગયેલી નાર્કોટિક્સ ટીમના વાહનને ટક્કર મારી હતી.
આ ઘટનામાં ટીમના બે અધિકારીઓ ઘાયલ થયા છે. તસ્કરોએ ટીમ પર પણ ગોળીબાર કર્યો હતો, જેમાં નીચૂચનો એક અધિકારી ઘાયલ થયો હતો. આ ઘટનાનો સીસીટીવી વીડિયો પણ સામે આવ્યો છે, જે હાલ સોશિયલ મીડિયા પર વાયરલ થઈ રહ્યો છે.
નાર્કોટિક્સ ટીમને બાતમી મળી હતી
નીમચના નાર્કોટીક્સ બ્યુરોને બાતમી મળી હતી કે ગુજરાત નંબર પ્લેટવાળી કારમાં નશીલા પદાર્થ ડોડાચુરાનો મોટો જથ્થો બાડમેર લઈ જવામાં આવી રહ્યો છે. માહિતી મળતાની સાથે જ નાર્કોટિક્સ ટીમ સક્રિય થઈ ગઈ હતી.
તેમણે ચિત્તોડગઢ-ઉદયપુર સિક્સ લેન નેશનલ હાઈવે પર સ્થિત નારાયણપુર ટોલ પ્લાઝા પર વાહનોનું ચેકિંગ શરૂ કર્યું. આ દરમિયાન એક કાર ટોલ પ્લાઝા પાસે પહોંચી. નાર્કોટિક્સ અધિકારીઓએ કાર ચાલકને રોકવાનો સંકેત આપ્યો.
કારને ટક્કર મારી
નાર્કોટિક્સ ઓફિસરો દ્વારા રોકવામાં આવ્યા બાદ પણ કાર ચાલકે વાહન ન રોક્યું અને ટોલ પ્લાઝા પર જ પાર્ક કરેલા નાર્કોટિક્સ વિભાગના વાહનને ટક્કર મારી હતી. આ પછી તેણે ફાયરિંગ શરૂ કરી દીધું.
આ સમગ્ર ઘટના બાદ તસ્કર ફરાર થઈ ગયો હતો, જ્યારે વાહન ચલાવતો આરોપી પોલીસના હાથે ઝડપાઈ ગયો હતો. કારની તલાશી દરમિયાન 17 કોથળીઓ મળી આવી હતી, જેમાં 345 કિલો 940 ગ્રામ ડોડાચુરા મળી આવ્યા હતા. આ સમગ્ર મામલાની તપાસ ચાલી રહી છે.
